ഉദയഗിരി
ഗ്രാമ പഞ്ചായത്ത്

ഉദയഗിരി പഞ്ചായത്ത് കാർഷികവൃത്തിയെ ആശ്രയിച്ചുള്ള മലയോരപ്രദേശമായിരുന്നു. ഒരുകാലത്ത് ജന്മിമാരുടെയും വലിയ ഭൂവുടമകളുടെയും അധീനതയിലായിരുന്ന ഈ പ്രദേശം 1950-കൾ വരെ സാന്ദ്രവനമേഖലയായിരുന്നു. കരിമ്പാലർ, മാവിലർ, വേട്ടുവർ തുടങ്ങിയ ആദിവാസി സമൂഹങ്ങൾ വനവിഭവശേഖരണവും പൂനംകൃഷിയും നടത്തി ജീവിച്ചിരുന്നു. പിന്നീട് തിമിരി, ചപ്പാരപ്പടവ് മേഖലകളിൽ നിന്നുള്ള കർഷകർ കാടുതെളിച്ച് കൃഷി ആരംഭിച്ചു. 1952-ന് ശേഷം തിരുവിതാംകൂറിൽ നിന്നുള്ള കുടിയേറ്റം പ്രദേശത്തിന്റെ സാമൂഹ്യ-സാമ്പത്തിക രംഗത്ത് വലിയ മാറ്റങ്ങൾ സൃഷ്ടിച്ചു. പാട്ടപ്പാറ പിന്നീട് “ഉദയഗിരി” എന്നറിയപ്പെടുകയും കാക്കത്തൊലി “കാർത്തികപുരം” ആകുകയും ചെയ്തു. ഭൂപരിഷ്കരണ നിയമം വന്നതോടെ ഭൂമി വിൽപ്പനയും കുടിയേറ്റവും വർധിച്ചു. ആദ്യം ഗതാഗതസൗകര്യങ്ങൾ ഇല്ലാതിരുന്നതിനാൽ ജനങ്ങൾ മുളംപാണ്ടിയും തലചുമടുമായിരുന്നു ആശ്രയിച്ചത്. 1960-കളിൽ സ്കൂളുകൾ, പോസ്റ്റ് ഓഫീസ്, റോഡുകൾ, പാലങ്ങൾ തുടങ്ങിയ അടിസ്ഥാനസൗകര്യങ്ങൾ...